ადვოკატი -  ჩვენ აუცილებლად გავასაჩივრებთ იმ პროცესუალურ დარღვევებს, რომელიც მალხაზ კობაურის საქმეში არსებობდა

უვადო პატიმრობამისჯილი მწყემსის, მალხაზ კობაურის ადვოკატები აპირებენ, ვერდიქტი მეორე ინსტანციაში გაასაჩივრონ.

როგორც ერთ-ერთმა ადვოკატმა, ალექსანდრე კობაიძემ ,,ინტერპრესნიუსს” განუცხადა, ისინი ერთი თვის ვადაში წერილობით გაამზადებენ არგუმენტაციას იმ პროცესუალურ დარღვებზე, რაც მათ ხელთ გააჩნიათ.

„ჩვენ აუცილებლად გავასაჩივრებთ იმ პროცესუალურ დარღვევებს, რომელიც მალხაზ კობაურის საქმეში არსებობდა. მაგალითად, შეჯიბრებითობის პრინციპის დარღვევა, სამართლიანი სასამართლოს პრინციპის დარღვევა, ბრალდებულის უფლებების დარღვევა და ა.შ. ჩვენ ვფიქრობთ, რომ სააპელაციო სასამართლო აუცილებლად გაითვალისწინებს ჩვენს მსჯელობასა და არგუმენტაციას“, - განაცხადა ადვოკატმა.

უვადო პატიმრობას რაც შეეხება, ადვოკატის თქმით, კობაური #8 პენიტენციურ დაწესებულებაში გადაიყვანეს.

„იგი სამარტოო საკანში იქნება და დირექტორის თანხმობით, ოჯახის წევრებს უფლება ექნებათ, მოინახულონ პატიმარი. ისარგებლებს დარეკვისა და ბევრი სხვა უფლებით. კობაური, ფაქტია, რომ იბრძვის თავისი უდანაშაულობის დამტკიცებისთვის. იგი ჩვენი მეშვეობით ცდილობს თავისი სიმართლე დაამტკიცოს. პოლიტიკურ ჭრილშიც გადავიდა კობაურის საქმე, რადგან ამერიკის შეერთებული შტატების მთავარმა კონსულმა საქმის მიმდინარეობისას უამრავი საჯარო განცხადება გააკეთა და ვფიქრობ, ამითაც დაზიანდა მალხაზ კობაურის საქმეზე ობიექტური ვერდიქტის გამოტანა”, - განაცხადა ალექსანდრე კობაიძემ.

შეგახსენებთ, რომ კობაურს ნაფიცმა მსაჯულებმა 25 მარტს, 4 საათიანი თათბირის შემდეგ, გამამტყუნებელი ვერდიქტი გამოუტანეს. კობაური ნაფიცმა მსაჯულებმა წარდგენილ ყველა ბრალში ერთხმად დამნაშავედ სცნეს, მათ შორის, ლორა სმიტის გაუპატიურებაშიც.

მალხაზ კობაურს მოსამართლემ უვადო თავისუფლების აღკვეთა შეუფარდა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)