საქართველოში ევროკავშირის ელჩის მოადგილე - ევროკავშირი-საქართველოს ურთიერთობები არასოდეს ყოფილა ისე მჭიდრო, როგორც ახლა

ასოცირების იმპლემენტაციის შესახებ ანგარიშის ზოგადი სურათი პოზიტიურია, - ამის შესახებ საქართველოში ევროკავშირის ელჩის მოადგილემ კარლო ნატალემ განაცხადა.

„გამოქვეყნებულია ასოცირების იმპლემენტაციის შესახებ ანგარიში. ეს ანგარიში თანამშრომლობის ყველა მნიშვნელოვან სფეროს მოიცავს. ანგარიშის ზოგადი სურათი პოზიტიურია. ანგარიში ცხადყოფს, რომ საქართველო განაგრძობს პროგრესს რეფორმების კუთხით. ადრეც გვითქვამს და ახლაც გავიმეორებ, რომ ევროკავშირი-საქართველოს ურთიერთობები არასოდეს ყოფილა ისე მჭიდრო, როგორც ახლა. ჩვენ ვხედავთ, რომ ჩვენს თანამშრომლობას ხელშესახები შედეგები მოაქვს. 2017 წლიდან საქართველოს 300 000-ზე მეტმა მოქალაქემ შენგენის ზონაში უვიზო მიმოსვლით ისარგებლა. ასევე გაიზარდა იმ ქართული კომპანიების რიცხვი, რომლებიც თავისი პროდუქციის ექსპორტს ახორციელებენ ევროკავშირში. ეს მიღწევები შეუძლებელი იქნებოდა საქართველოს მთავრობისა და პარლამენტის ინტენსიური მობილიზებისა და აქტიური სამოქალაქო საზოგადოების ჩართულობის გარეშე. სამოქალაქო საზოგადოება მნიშვნელოვან როლს თამაშობს პოლიტიკის შემუშავებაში და მთავრობის ზედამხედველობაში. ეს ასეც უნდა იყოს, ვინაიდან სამოქალაქო საზოგადოება მნიშვნელოვანი აქტორია ნებისმიერ დემოკრატიულ სისტემაში. სამოქალაქო საზოგადოება ხალხის ხმაა. სამოქალაქო საზოგადოება ძლიერია საქართველოში, თუმცა მისი მდგრადობა და შესაძლებლობები გაუმჯობესებას მოითხოვს, განსაკუთრებით რეგიონებში“, - განაცხადა მან.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს