ლარის გაცვლითი კურსი აშშ დოლართან მიმართებაში 1.6500 ლარის ნიშნულზე შენარჩუნდა

;თბილისის ბანკთაშორის სავალუტო ბირჟაზე დღეს გამართული ვაჭრობის შედეგად, საქართველოს ეროვნული ვალუტის კურსი აშშ დოლართან მიმართებაში 1.6500 ლარის ნიშნულზე შენარჩუნდა.;;;;;;;;;;;;;

როგორც ~ინტერპრესნიუსს~ ეროვნული ბანკიდან აცნობეს, თბილისის ბანკთაშორისი სავალუტო ბირჟის სავაჭრო სესიაზე 2008 წლის 14 ნოემბერს მყიდველის სტატუსით მონაწილეობდა ეროვნული ბანკი და ორი კომერციული ბანკი, გამყიდველის სტატუსით სამი კომერციული ბანკი. დაიდო ოთხი საბირჟო გარიგება, რომლის საერთო მოცულობამ 1 700 000 აშშ დოლარი შეადგინა.

საბირჟო ვაჭრობა დაიწყო კურსით: 1 აშშ დოლარი/1.6500 ლარი. უცხოურ ვალუტაზე კომერციული ბანკების მხრიდან თავდაპირველმა მოთხოვნამ 400 000 აშშ დოლარი შეადგინა, ხოლო მიწოდებამ 1 700 000 აშშ დოლარი. თბილისის ბანკთაშორისი სავალუტო ბირჟის დღევანდელ ვაჭრობაზე მოთხოვნა-მიწოდება დაბალანსდა შემდეგი კურსით – 1 აშშ დოლარი/1.6500 ლარი.

15 ნოემბრიდან ძალაში შევა აშშ დოლარის მიმართ ლარის ოფიციალური გაცვლითი კურსი: 1 აშშ დოლარი/1.6500 ლარი.

;