მთავრობის ადმინისტრაციასთან აქცია მიმდინარეობს სახელწოდებით „დროა ვიბრძოლოთ, რომ აღარ ვიგლოვოთ“. აქციის მონაწილეები 31 მარტს, თბილისში, ჭავჭავაძის გამზირის 5 ნომერში მომხდარ უბედურ შემთხვევას ეხმაურებიან. დღევანდელი აქციის ორგანიზატორი დამოუკიდებელი პროფკავშირი "სოლიდარობის ქსელია", რომელსაც უერთდებიან არასამთავრობო ორგანიზაცია EMC და კიდევ ერთი დამოუკიდებელი პროფკავშირი "ერთობა 2013".
ისინი მიმარათავენ მთავრობის წარმომადგებლებს, რომ მოვიდნენ აქციაზე და მშენებლობის დროს მომხდარ უბედურებასთან დაკავშირებით პასუხი გასცენ. ამასთან, აქციაზე მყოფები მოუწოდებენ ხელისუფლებას, რომ შრომის უსაფფთხოების დაცვა უზრუნველყოს. აქციის ერთ-ერთი მონაწილის ნენო ჩარკვიანის განცხადებით, ქვეყანაში სამუშაო ადგილზე არაერთი მუშა დაიღუპა, რაზეც სახელმიწფომ პასუხისმგებლობა უნდა აიღოს. ამასთან, მისივე თქმით, აქცის მონაწილეები აპირებენ, რომ მსვლელობით გადაინაცვლონ ჭავჭავაძის გამზირზე,სადაც გუშინ ორი მუშა დაიღუპა.
„ჩვენ გამოვდივართ იმისთვის, რომ დასრულდეს ეს გენოციდი. გამოვდივართ იმისთვის, რომ იზრუნონ ადამიანებზე და შექმნას ჰუმანური პოლიტიკა. ველოდებით, გიორგი ქობულიას, დავით სერგეენკოს ,მამუკა ბახტაძეს, რათა მოვიდნენ და პასუხი გაგვცენ ამ მკვლელობებზე. ჩვენ დღეს ამ ვითარებამდე იმიტომ მივედით, რომ სახელმწიფო უუნარო იყო და ვერ შეძლო ბიზნესისთვის წინააღმდეგობა გაეწია. უფრო მეტიც, მან ხელი შეუწყო ამ მდგომარეობას და ადამიანების სიკვდილს", - განაცხადა ნენო ჩარკვიანმა.