„ენერგო-პრო ჯორჯიას“ აბონენტების ნაწილს 3 აპრილს ელექტროენერგიის მიწოდება შეეზღუდება

გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.

როგორც „ინტეპრესნიუსს“ „ენერგო-პრო ჯორჯია“-და აცნობეს, გამანაწილებელ ქსელში დაგეგმილი სარეაბილიტაციო სამუშაოების გამო 3 აპრილს 11:00-დან 16:00 საათამდე ელექტროენერგიის მიწოდება შეეზღუდებათ აბონენეტებს სოფლებში: დიღომი, დიდგორი, ვეძისი, თელოვანი, ზემო ვეძისი.

12:00-დან 17:00 საათამდე ძაბვა შეუწყდებათ მომხმარებლებს დუშეთის მუნიციპალიტეტის სოფლებში ბაზალეთი, ჩირდილელიანი, გრიგოლაანი, ჩუგუნიაანი, ჩუბინიანთკარი, პირმისაანი.

11:30-დან 14:00 საათამდე ელექტროენერგია გაეთიშებათ თიანეთის მუნიციპალიტეტის სოფლებში ტუშურები, იარაჯულები, ალაჭანი, ვერხველი, ჯერვალიძეები და მიმდებარე სოფლებში, ხოლო 11:30-დან 17:00 საათამდე - სოფლებში ჟებოტა, ლელოვანი, თეთრახევა, თეგერაანები და მიმდებარე სოფლებში.

კომპანიის ინფორმაციით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.