ტრაექტორია, რომლითაც მიდის საქართველოს დემოკრატია, პოზიტიურ დინამიკად შევაფასებ, - ამის შესახებ ევროკავშირის ელჩმა საქართველოში კარლ ჰარცელმა სასტუმრო "რედისონში" კონფერენციაზე "პოლარიზაციის ხაფანგი - საქართველოს დემოკრატია ნდობის კრიზისისა და პოპულიზმის ზრდის ზღვარზე" განაცხადა.

მისი თქმით, განხილვები, რომელიც დემოკრატიას შეეხება, ყველა მხარის ჩართულობით სასარგებლო და აუცილებელია.

„ასეთი ტიპის შეხვედრები მნიშვნელოვანი და სასარგებლოა. მნიშვნელოვანია განხილვები, რომლებიც შეეხება ქვეყნის დემოკრატიის სტატუსს, დემოკრატიის არსებულ მდგომარეობას საქართველოში, ასევე დისკუსიები პოლიტიკურ გარემოზე და ამ გარემოში ყველა მოთამაშის როლზე. მნიშვნელოვანია იმ ხარვეზების გამოსწორება, რომელიც აღნიშნული იყო წინა არჩევნების შესახებ ანგარიშებში.

საქართველოს ტრაექტორია, რომლითაც მიდის საქართველოს დემოკრატია შევაფასებ პოზიტიურ დინამიკად. რასაკვირველია, ხაზი მინდა გავუსვა ხარვეზების აღმოფხვრის მნიშვნელობასაც“, - განაცხადა ევრომავშირის ელჩმა.

კონფერენცია ევროკავშირის ელჩთან საქართველოში, კარლ ჰარცელთან დიალოგის რეჟიმში მიმდინარეობს, რომელსაც სამოქალაქო საზოგადოების წევრები, პოლიტიკოსები, ექსპერტები ესწრებიან.