სახანძრო მანქანა, რომელმაც მარტვილის მამათა მონასტერში ხანძარი ჩააქრო, გზაში ამოტრიალდა. ამის შესახებ „ინტერპრესნიუსს“ საგანგებო სიტუაციების მართვის სამსახურში განუცხადეს.

როგორც უწყებაში აცხადებენ, ავტოსაგზაო შემთხვევა იმ დროს მოხდა, როდესაც სამაშველო ჯგუფი მარტვილიდან სენაკში ბრუნდებოდა. შემთხვევის შედეგად არავინ დაშავებულა.

ხანძარი მარტვილის მამათა მონასტერში დღის მეორე ნახევარში გაჩნდა. ხანძრის შედეგად დამწვარია 200 კვ.მ. ფართობი. ერთ-ერთი ვერსიით, ხანძარი ტაძრის კელიაში სანთელმა გამოიწვია.