ფინეთის სახელმწიფო აუდიტის სამსახურთან მემორანდუმი გაფორმდა

ფინეთში სახელმწიფო აუდიტის სამსახურისა და პარლამენტის ერთობლივი დელეგაციის ვიზიტის ფარგლებში, საქართველოსა და ფინეთის უმაღლეს აუდიტორულ უწყებებს შორის ურთიერთგაგების მემორანდუმი გაფორმდა.

სახელმწიფო აუდიტის სამსახურის ინფორმაციით, ხელშეკრულებას, ჰელსინკში ხელი მოაწერეს ორი ქვეყნის გენერალურმა აუდიტორებმა - ირაკლი მექვაბიშვილმა და ტუტი ილი ვიიკარიმ.

მისივე ცნობით, საქართველოსა და ფინეთის უმაღლესი აუდიტორული უწყებების თანამშრომლობისა და გამოცდილების გაზიარების ინიციატივა მარტის დასაწყისში, იერუსალიმში გამართული EUROSAI-ASOSAI კონფერენციის ფარგლებში გაჩნდა.

„კონფერენციაზე ფინეთის გენერალური აუდიტორის ინტერესი გამოიწვია რეკომენდაციების მონიტორინგის მექანიზმმა, რის შესახებაც ირაკლი მექვაბიშვილმა კონფერენციაზე წარდგენილ პრეზენტაციაში ისაუბრა.

ორი ქვეყნის გენერალური აუდიტორების მიერ ჰელსინკში ხელმოწერილი მემორანდუმი აუდიტორული საქმიანობის სხვადასხვა მიმართულებაზე გამოცდილებების გაზიარებას ითვალისწინებს. ვიზიტის ფარგლებში ფინეთის სახელმწიფო აუდიტის სამსახურში გაიმართა სამუშაო შეხვედრა, სადაც ორი ქვეყნის აუდიტორებმა აუდიტის მიმართულებებზე, რისკზე დაფუძნებული აუდიტის დაგეგმვასა და ხარისხის უზრუნველყოფაზე, გავლენის შეფასების მეთოდოლოგიასა და პრაქტიკასთან დაკავშირებული საკითხები განიხილეს. ლატვიასა და ფინეთში საქართველოს დელეგაციას სახელმწიფო აუდიტის სამსახური და პარლამენტის საფინანსო-საბიუჯეტო კომიტეტი წარმოადგენდა“, - აღნიშნულია სახელმწიფო აუდიტის სამსახურის მიერ გავრცელებულ ინფორმაციაში.

ცნობისთვის, დელეგაციის ვიზიტი ევროკავშირის პროექტის - „სახელმწიფო აუდიტის სამსახურის ინსტიტუციური გაძლიერება" ფარგლებში განხორციელდა.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს