აშშ-ის ყოფილი ვიცე-პრემიერი ჯო ბაიდენი პირობას დებს, რომ იგი ქალებთან ფიზიკურ კონტაქტთან დაკავშირებით ამიერიდან უფრო მეტ ყურადღებას გამოიჩენს.

მან „ტვიტერზე“ ვიდეო გამოაქვეყნა, სადაც ამბობს, რომ სამომავლოდ მეტ პატივისცემას გამოიჩენს ადამიანის პირადი სივრცის მიმართ.

შეგახსენებთ, აშშ-ის ყოფილი ვიცე-პრეზიდენტი ორმა ქალმა არასათანადოდ მოპყრობაში, კერძოდ, კი ფიზიკურად შეხებაში დაადანაშაულა.

„სოციალური ნორმები იცვლება, მე მესმის ამის. მოვისმინე, რასაც ეს ქალები აცხადებენ. თუმცა, მე ყოველთვის ასე ვიქცეოდი, ეს არის გზა, რომლითაც ვცდილობდი მზრუნველობა და თანაგრძნობა გამომეხატა მათ მიმართ“, - განაცხადა ბაიდენმა.

მისივე თქმით, ესმის, რომ მსგავსი ქცევა თანამედროვე სტანდარტებს ვერ ესადაგება.