ევროკავშირის საბჭოს პრეზიდენტი დონალდ ტუსკი ბრიტანეთს „ბრექსითის“ გადავადების 12-თვიან მოქნილ გრაფიკს სთავაზობს. ამის შესახებ „ბიბისის“ ევროკავშირის წყარომ შეატყობინება. ტუსკის გეგმის თანახმად, დიდ ბრიტანეთს შეეძლება ევროკავშირიდან გასვლა მალე, თუ პარლამენტი „ბრექსითის“ შესახებ შეთანხმების რატიფიცირებას მოახდენს, თუმცა, ეს ყველაფერი ევროკავშირის ლიდერებთან მომდევნო კვირის სამიტზე უნდა შეთანხმდეს.
შეგახსენებთ, ბრიტანეთი ევროკავშირიდან 29 მარტს უნდა გასულიყო, თუმცა, ბრიტანეთის პარლამენტის მხარდაჭერა პრემიერ ტერეზა მეის ვერც ერთმა შეთავაზებამ ვერ მოიპოვა, შედეგად „ბრექსითი“ მოკლე ხნით 12 აპრილამდე გადაავადეს.
იხილეთ ვიდეო: დონალდ ტუსკი ბრიტანეთს ბრექსითის გადავადების 12-თვიან მოქნილ გრაფიკს სთავაზობს
