„ევროპული საქართველოს“ ლიდერი დავით ბაქრაძე მარნეულის რაიონის სოფელ ალგეთის მოსახლეობას შეხვდა და მარნეულის მერობის კანდიდატთან ერთად, ადგილობრივების პრობლემები მოისმინა. ამის შესახებ „ინტერპრესნიუსს“ „ევროპული საქართველოს“ პრესსამსახურმა აცნობა.

მათი ინფორმაციით, 1 წელზე მეტია სოფელი ალგეთის მოსახლეობა წლის გარეშე ცხოვრობს. პრესსამსახურის ცნობით, სასმელი წყალი სოფლის მხოლოდ ნახევარ მოსახლეობას გრაფიკით მიეწოდება.

დავით ბაქრაძის განცხადებით, „ვროპული საქართველო“ ოფიციალურად მიმართავს რეგიონული განვითარების და ინფრასტრუქტურის მინისტრს მაია ცქიტიშვილს, ასევე გარემოს დაცვის და სოფლის მეურნეობის მინისტრს ლევან დავითაშვილს.

„მოვითხოვთ, მათი წყლის პრობლემის მოგვარებას, მაგრამ პრობლემა უფრო დიდია. ამ პრობლემიდან გამოსავალი არის მხოლოდ ერთი: სახლში გავისტუმროთ უმაქნისი ხელისუფლება, რომელსაც არ ესმის ხალხის პრობლემები და არაფერს არ აკეთებს მათ მოსაგვარებლად. გამოვიყენოთ ნებისმიერი არჩევნები, მთავრობისთვის ჩვენი ძალის საჩვენებლად, უმაქნისი „ქართული ოცნების“ სახლში გასაშვებად და იმისთვის, რომ ცხოვრება წავიდეს წინ,’’ - განაცხადა დავით ბაქრაძემ.

იხილეთ ვიდეო: გამოვიყენოთ ნებისმიერი არჩევნები "ქართული ოცნების" სახლში გასაშვებად