მაშველებმა დიღმის მასივში, საცხოვრებელი კორპუსში, სადაც დღეს აფეთქება მოხდა, იმ კედლის დემონტაჟი მოახდინეს, რომლის ჩამონგრევის საფრთხე არსებობდა.
ექსპერტ-კრიმინალისტები შემთხვევის ადგილზე უკვე აწარმოებენ სამუშაოებს. მათი ბინიდან, სადაც აფეთქება მოხდა, უკვე გამოიტანეს ფრაგმენტული ნიმუშები, რომელიც გამოძიების მიმდინარეობისას იქნება გამოკვლეული.
ადგილზე ასევე იმყოფებიან სამხარაულის ბიუროს ექსპერტები, რომლებიც შესაბამის სამუშაოებს ახორციელებენ. ტერიტორიაზე კვლავ მობილიზებულები არიან სამართალდამცველები, რომლებიც ადგილზე მოქალაქეთა უსაფრთხოებას უზრუნველყოფენ.
დიღმის მასივის მეოთხე კვარტლის მეხუთე კორპუსის მეოთხე სართულზე, სავარაუდოდ, გაზის გაჟონვის გამო, აფეთქება დღეს მოხდა.