ვლადიმერ ზელენსკის განცხადებით, საპრეზიდენტო არჩევნებში მისი გამარჯვების შემთხვევაში, ნატო-სა და ევროკავშირისკენ უკრაინის კურსი შენარჩუნდება
უკრაინის პრეზიდენტობის კანდიდატის, ვლადიმერ ზელენსკის განცხადებით, მისი გამარჯვების შემთხვევაში, ნატო-სა და ევროკავშირისკენ ქვეყნის კურსი შენარჩუნდება.
მისივე თქმით, ის მზად არის იმუშაოს ქვეყანაში ხელსაყრელი საინვესტიციო კლიმატის შექმნაზე და დაიცვას საგარეო ინვესტიციები.
„უკრაინამ დიდი ხნის წინ აირჩია ევროინტეგრაციის კურსი. არავინ აპირებს ამ კურსის შეცვლას. მე მხარს ვუჭერ ნატო-ს“, - განაცხადა პრეზიდენტობის კანდიდატმა ტელეარხ „უკრაინასთვის“ მიცემულ ინტერვიუში.
მისივე თქმით, უკრაინის დასავლეთ რეგიონებში ყველამ იცის ამ არჩევანის შესახებ, ხოლო ახლა კი საჭიროა ეს გააგებინონ აღმოსავლეთ უკრაინაში მცხოვრებ ხალხს.
შეგახსენებთ, რომ უკრაინის საპრეზიდენტო არჩევნების პირველ ტურში საპრეზიდენტო კანდიდატმა ვლადიმერ ზელენსკიმ ამომრჩეველთა ხმების 30.24 % მიიღო, მოქმედმა პრეზიდენტმა პეტრო პოროშენკომ კი 15.95 %.
v-if="article.gallery" v-html="article.gallery"
