აშშ-ის პრეზიდენტმა დონალდ ტრამპმა თანამდებობიდან გადააყენა ამერიკის საიდუმლო სამსახურის ხელმძღვანელი რენდოლფ ალესი. ამის შესახებ ტელეკომპანია „სი-ენ-ენ“-ი ამერიკის ადმინისტრაციაში წყაროზე დაყრდნობით იუწყება.

მედიასაშუალების ინფორმაციით, დონალდ ტრამპმა თეთრი სახლის აპარატის ხელმძღვანელის მოვალეობის შემსრულებელს უკვე დაავალა ალესის გადადგომა უზრუნველყოს. თუმცა, საიდუმლო სამსახურის ხელმძღვანელი ჯერჯერობით მუშაობას განაგრძობს.

საიდუმლო სამსახურის ხელმძღვანელი უშუალოდ ექვემდებარება ქვეყნის შიდა უსაფრთხოების მინისტრს, რომელმაც ასევე დატოვა თანამდებობა.