საქართველოს საგარეო უწყება 9 აპრილთან დაკავშირებით დიპლომატიური კორპუსის მონაწილეობით ღონისძიებას უმასპინძლებს

2019 წლის 9 აპრილს, საქართველოს საგარეო საქმეთა სამინისტრო საქართველოში აკრედიტებულ დიპლომატიურ კორპუსს უმასპინძლებს საქართველოს ეროვნული ერთიანობის დღის -1989 წლის 9 აპრილის 30 წლისთავისადმი მიძღვნილ ღონისძიებაზე. როგორც „ინტერპრესნიუსს“ საქართველოს საგარეო საქმეთა სამინისტროდან აცნობეს, ღონისძიების ფარგლებში დიპლომატიური კორპუსისთვის მოხდება ისტორიული მოვლენების პრეზენტაციის გაცნობა, 1989 წლის 9 აპრილის ქრონიკებს გაიხსენებს და შეაფასებს სტრატეგიული გამოკვლევების ცენტრის დირექტორი, საქართველოს საგანგებო და სრულუფლებიანი ელჩი ირაკლი მენაღარიშვილი, ღონისძიების ფარგლებში ასევე გაიმართება 1989 წლის 9 აპრილის მოვლენების ამსახველი საარქივო მასალების ფოტო-გამოფენა. მოწვეულ სტუმრებს ასევე სიტყვით მიმართავს საქართველოს საგარეო საქმეთა მინისტრი დავით ზალკალიანი. ​1989 წლის 9 აპრილის მოვლენებიდან 30 წელი შესრულდა. ამ დღეს საბჭოთა კავშირის შეიარაღებული ძალების ნაწილებმა თბილისში, რუსთაველის გამზირზე, მშვიდობიანი საპროტესტო აქცია დაარბიეს, რასაც მშვიდობიანი მოსახლეობის მსხერპლი მოჰყვა.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა