ყაზახეთში რიგგარეშე საპრეზიდენტო არჩევნები მიმდინარე წლის 9 ივნისს გაიმართება. ამის შესახებ ყაზახეთის პრეზიდენტმა კასიმ-ჟომარტ ტოკაევმა განაცხადა.
„ქვეყნის კონსტიტუციის შესაბამისად, გადაწყვეტილება მივიღე ყაზახეთის რესპუბლიკის პრეზიდენტის რიგგარეშე არჩევნების 2019 წლის 9 ივნისს ჩატარების შესახებ“, - განაცხადა ყაზახეთის პრეზიდენტმა.
შეგახსენებთ, რომ 20 მარტს 30-წლიანი პრეზიდენტობის შემდეგ ნურსულთან ნაზარბაევი პრეზიდენტის თანამდებობიდან გადადგა. მისი ადგილი სენატის თავმჯდომარემ კასიმ-ჟომარტ ტოკაევმა დაიკავა. ნაზარბაევის პრეზიდენტობის ვადა 2020 წელს იწურებოდა.
იხილეთ ვიდეო: ყაზახეთში რიგგარეშე საპრეზიდენტო არჩევნები მიმდინარე წლის 9 ივნისს გაიმართება