საგარეო საქმეთა სამინისტრო თურქეთში საქართველოს მოქალაქის დაკავების თაობაზე გავრცელებული ინფორმაციის სისწორეს არკვევს
ქართული მხარე თურქეთში საქართველოს მოქალაქის დაკავების თაობაზე გავრცელებული ინფორმაციის სისწორეს არკვევს. ამის შესახებ „ინტერპრესნიუსს“ საგარეო საქმეთა სამინისტროში განუცხადეს. შესაბამისად, უწყება თურქულ მედიაში გავრცელებულ ინფორმაციაზე, რომლის თანახმადაც თურქეთში „ისლამურ სახელმწიფოსთან“ კავშირის ბრალდებით 10 უცხოელი დააკავეს, მათ შორის ერთი საქართველოს მოქალაქეა, კომენტარს ამ ეტაპზე ვერ აკეთებს.
თურქეთში, იზმირის პროვინციაში, ტერორისტულ ორგანიზაცია „ისლამურ სახელმწიფოსთან“ კავშირის ბრალდებით 10 უცხოელი დააკავეს, მათ შორის ერთი საქართველოს მოქალაქეა. ამის შესახებ ინფორმაციას თურქული გამოცემა Daily Sabah ავრცელებს.
მათივე ცნობით, ათი დაკავებულიდან ცხრა სირიელი იყო, ხოლო ერთი კი საქართველოს მოქალაქე. არსებული ინფორმაციით, დაკავებულებს კონტაქტები ჰქონდათ „ისლამური სახელმწიფოს“ ტერორისტებთან სირიაში.
v-if="article.gallery" v-html="article.gallery"
