„საქართველოს სივრცის დაგეგმარების, არქიტექტურული და სამშენებლო საქმიანობის კოდექსში“ შესატან ცვლილებებზე მუშაობა გრძელდება

ქვეყნის სივრცის დაგეგმარების, არქიტექტურული და სამშენებლო სფეროს ინსტიტუციური მოწყობის საკითხებზე, წინანდალში, გასვლით სამუშაო შეხვედრაზე მსჯელობენ. ამის შესახებ „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს.

მათივე ინფორმაციით, შეხვედრის მონაწილეებმა განიხილეს ცვლილებების პაკეტი, რომლითაც ზუსტდება სივრცის დაგეგმარების დოკუმენტების იერარქია, მათი შინაარსობრივი შემადგენლობა და სამართლებრივი სტატუსი. კოდექსს ასევე ემატება ის მუხლები, რომელიც აწესრიგებს არქიტექტორთა სერტიფიცირების პროცესთან დაკავშირებულ საკითხებს.

რეგიონული განვითარებისა და ინფრასტრუქტურის მინისტრის მოადგილის მზია გიორგობიანის განცხადებით, კანონმდებლობა გარკვეული ცვლილებების შეტანას საჭიროებს.

,,კოდექსი, ძირითადად, სივრცითი დაგეგმარებისა და სერტიფიცირების ნაწილებს შეეხება, რომელიც მხოლოდ რეგიონული განვითარების და ინფრასტრუქტურის სამინისტროს კომპეტენცია არ არის. აქედან გამომდინარე, მნიშვნელოვანია, რომ ყველა მხარის პოზიცია იყოს განხილული. ჩვენ უნდა შევჯერდეთ და ყველას ერთნაირად გვესმოდეს ის ფორმულირება, რომელიც არსებულ კანონშია. მზად ვართ, ჩავრთოთ ყველა მხარე, რომელიც იქნება ამ აქტების ძირითადი მომხმარებელი. შევთანხმდებით პრინციპებზე, რა გვაქვს გასაკეთებელი, რა ნაბიჯები უნდა გადავდგათ, რა ცვლილებები შევიტანოთ, რომ დოკუმენტი უფრო სრულყოფილი გახდეს“, - განაცხადა მზია გიორგობიანმა.

სამინისტროს ინფორმაციით, კოდექსის სრულყოფაზე, ინფრასტრუქტურისა და ეკონომიკის სამინისტროებთან, დარგის ექსპერტებთან, არქიტექტორებთან ერთად, რამდენიმე თვეა აქტიურად მუშაობს პარლამენტის დარგობრივი ეკონომიკისა და ეკონომიკური პოლიტიკის კომიტეტი.

ორდღიანი სამუშო შეხვედრა ევროკავშირის ტექნიკური დახმარების პროექტის („საქართველო-ევროკავშირის ასოცირების შეთანხმების განხორციელების მხარდაჭერა“ II ფაზა) ხელშეწყობით იმართება.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 20.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)