„თბილსერვის ჯგუფმა“ თბილისის შესასვლელისა და გასასვლელის დასუფთავება დაიწყო

„თბილსერვის ჯგუფმა“ დედაქალაქის შესასვლელისა და გასასვლელის დასუფთავება დაიწყო. აქციაში „თბილსერვის ჯგუფის“ 40-მდე თანამშრომელია ჩართული და ადგილზე სპეციალური ტექნიკაა მობილიზებული.

როგორც „ინტერპრესნიუსს“ თბილისის მერიიდან აცნობეს, დასუფთავების აქცია დასავლეთის მხარეს დღეს დასრულდება, ხოლო აღმოსავლეთის მიმართულებით მომდევნო დღეებში დაიწყება.

მიმდინარე სამუშაოები თბილისის მუნიციპალიტეტის მერის დავალებით ხორციელდება, ასევე, მერის დავალებით განხორციელდა კვირის დასაწყისში ვერეს ხეობის ფერდობების დასუფთავება.