პარლამენტის ორი კომიტეტის სხდომა, რომელსაც პოლიეთილენის პარკების მწარმოებლები ესწრებიან, ხმაურით მიმდინარეობს

ხმაურით და ცხარე კამათით დაიწყო პარლამენტის გარემოს დაცვისა და დარგობრივი ეკონომიკის კომიტეტების გაერთიანებული სხდომა, სადაც განხილვის მთავარი თემა პოლიეთილენის, არადეგრადირებადი პარკების აკრძალვასთან დაკავშირებით მიღებული გადაწყვეტილებაა.

აღნიშნულ საკითხზე სასაუბროდ კომიტეტებმა გარემოს დაცვისა და სოფლის მეურნეობის მინისტრის მოადგილე ნინო თანდილაშვილი მოიწვიეს.

კომიტეტზე ასევე იმყოფებიან პოლიეთილენის პარკების ადგილობრივი მწარმოებლები. კამათი გარემოს დაცვისა და სოფლის მეურნეობის მინისტრის მოადგილის მოხსენების დაწყებას მოჰყვა, რომელმაც თავდაპირველად პოლიეთილენის პარკების გამოყენებით გარემოზე მიყენებულ ზიანსა და მიღებული გადაწყვეტილების მიზეზებზე გაამახვილა ყურადღება. ამის მოსმენა არ ისურვეს დეპუტატმა დავით ჭიჭინაძემ და ასევე მოწვეულმა მწარმოებლებმა, რომელთა სურვილიც არის მთავრობამ გასცეს პასუხი კითხვას, აპირებს თუ არა გადაწყვეტილების გადავადებას.

როგორც დეპუტატმა დავით ჭიჭინაძემ განაცხადა, მათ სამინისტროსგან მიიღეს პასუხად, რომ ტექნიკური რეგლამენტით დადგენილი აკრძალვების გადავადება არ იგეგმება.

ამასთან, როგორც დავით ჭიჭინაძემ განაცხადა, ქვეყანაში ხორციელდება არადეგრადირებადი პარკების იმპორტი, არ არსებობს შესაბამისი ლაბორატორია და ეს იმ ფონზე ხდება, როცა ადგილობრივი მწარმოებლები გაჩერდნენ.

საბოლოოდ, ნინო თანდილაშვილმა მოხსენებით გამოსვლა შეწყვიტა.

ამ წუთებში კომიტეტების გაერთიანებულ სხდომაზე ადგილობრივ მწარმოებლებს უსმენენ.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა