ქეთევან ციხელაშვილი - ჩვენს გუნდთან ერთად, მარნეულის მერობის ძალიან ღირსეულ კანდიდატს წარავადგენ
მარნეული საქართველოს ერთ-ერთი ყველაზე გამორჩეული მუნიციპალიტეტია თავისი კულტურული მრავალფეროვნებით, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა მარნეულში „ქართული ოცნების“ მერობის კანდიდატად ზაურ დარგალის წარდგენისას განაცხადა. მინისტრმა მარნეულის მოსახლეობას მიმართა და აღნიშნა, რომ არჩევნებზე მათ მხარდაჭერასა და ნდობას დიდი მნიშვნელობა აქვს.
„მარნეული არის საქართველოს ერთ-ერთი ყველაზე გამორჩეული მუნიციპალიტეტი თავისი კულტურული მრავალფეროვნებით. ამას ქმნით თქვენ, აქ მცხოვრები ხალხი, ძალიან შრომისმოყვარე, ერთგული და გულწრფელი ხალხი. მინდა, ამისთვის მადლობა გადაგიხადოთ ყველას. გარდა ამისა, ეს არის ერთ-ერთი ყველაზე ლამაზი რეგიონი თავისი ბუნებით, ლანდშაფტით, თავისი მდიდარი ისტორიული მემკვიდრეობით, ამ რეგიონიდან არის ჩემი ფესვები, რაც მე ძალიან მემაყება. აქედან გამომდინარე, ძალიან მიხარია, რომ დღეს, ჩვენს გუნდთან ერთად, მარნეულის მერობის ძალიან ღირსეულ კანდიდატს წარვადგენ,“ - განაცხადა ქეთევან ციხელაშვილმა.
შეგახსენებთ, რომ 2019 წლის 19 მაისს ქვეყნის რამდენიმე რეგიონში მერების რიგგარეშე და საკრებულოების შუალედური არჩევნები გაიმართება.
v-if="article.gallery" v-html="article.gallery"
