პარლამენტის რეგიონული პოლიტიკისა და თვითმმართველობის კომიტეტის თავმჯდომარის ზაზა გაბუნიას განცხადებით, სიმართლეს არ შეესაბამება, რომ მმართველი გუნდი ვენეციის კომისიის რეკომენდაციებსა და დასკვნას არ მოისმენს. მისი თქმით, მმართველი გუნდისთვის აღნიშნული მნიშვნელოვანია. ამის შესახებ გაბუნიამ ხვალ დაგეგმილ იურიდიულ საკითხთა კომიტეტის სხდომაზე საუბრისას განაცხადა.

"ჩვენ 15 აპრილს, დაახლოებით შუადღისთვის ვენეციის კომისიის დასკვნას ველოდებით. იცით, რომ კანონპროექტის განხილვამდეც დეკლარირება მოახდინა ჩვენა გუნდმა, რომ მნიშვნელოვანი იქნებოდა ვენეციის კომისიის დასკვნა და მოსაზრებები. მეტიც ჩვენ პროაქტიურად მივმართეთ ვენეციის კომისიას. ასე რომ, ბუნებრივია, არათუ დაველოდებით და წავიკითხავთ, არამედ გავითვალისწინებთ კიდეც ვენეციის კომისიის მოსაზრებებს.

მიმაჩნია, არაფერი იმგვარი არ ხდება, რომ გამოირიცხოს ვენეციის კომისიის როლი, პირიქით, ეს როლი მნიშვნელოვანია",- განაცხადა ზაზა გაბუნიამ.