საქართველოს ყოფილი პრეზიდენტი მიხეილ სააკაშვილი აცხადებს, რომ უკრაინაში შესვლაზე აკრძალვის მოხსნას მოითხოვს.

ამის შესახებ მიხეილ სააკშვილმა ტელეარხ Наш-სთვის მიცემულ ინტერვიუში განაცხადა.

მიხეილ სააკაშვილის თქმით, მან იურისტის მეშვეობით უკვე მიმართა უკრაინის უშიშროების სამსახურს. როგორც სააკაშვილმა აღნიშნა, აღნიშნული აკრძალვა უკანონოა.

„როგორც უკრაინის მოქალაქე დიდი გარდაქმნის ნაწილი მინდა ვიყო. უსამართლოა, როდესაც იმ ქვეყნიდან მაგდებენ, რომელიც მიყვარს, როგორც ჩემი მშობლიური საქართველო“, - აღნიშნა მიხეილ სააკაშვილმა.

შეგახსენებთ, რომ გუშინ უკრაინის საპრეზიდენტო არჩევნებში ცნობილმა მსახიობმა და კომიკოსმა ვლადიმერ ზელენსკიმ გაიმარჯვა.

იხილეთ ვიდეო