პანკისში ჰესის მშენებარე კომპანიის გენერალური დირექტორი - ეკონომიკის სამინისტროს მივმართეთ, რომ ჩვენი მშვიდ გარემოში მუშაობა უზრუნველეყო

პროვოკაციის თავიდან ასაცილებლად ეკონომიკის სამინისტროს მივმართეთ, რომ უზრუნველეყო ჩვენი მშვიდ გარემოში მუშაობა,- ამის შესახებ კომპანია "ფერის" გენერალურმა დირექტორმა ლაშა იორდანიშვილმა პანკისში განვითარებული მოვლენების კომენტირებისას განაცხადა.

მისი განმარტებით, კომპანიას წარსულში ჰქონდა გამოცდილება მოსახლეობის მოულოდნელი აგრესიის, ამიტომ მიმართა ეკონომიკის სამინისტროს, რომელმაც თავის მხრივ უშუამდგომლა შინაგან საქმეთა სამინისტროსთან, რომელმაც 4 საპატრულო ეკიპაჟის მანქანა გააყოლა სამშენებლო ტექნიკას.

„გასული წლის თებერვალში, როდესაც ჰესის მშენებლობა დავიწყეთ და ამას პროტესტი მოჰყვა, გავაჩერეთ სამუშაოები ზაფხულამდე. ამ პერიოდში მოსახლეობას ვხვდებოდით და როგორც ჩანს, მაშინ არასწორად ჩავთვალეთ, რომ ადგილობრივებში არანაირი უარყოფითი დამოკიდებულება აღარ იყო და მშენებლობა განვაახლეთ, რასაც საკმაოდ აგრესიული პროტესტი მოჰყვა. მაშინ იქ მხოლოდ პოლიციის რამდენიმე მანქანა იყო. ყველანაირი ესკალაციისგან თავის არიდების გამო მივიღეთ გადაწყვეტილება და გასული წლის ზაფხულშიც კვლავ გავაჩერეთ სამუშაოები და მოსახლეობასთან მოლაპარაკებები გავაგრძელეთ. ახლაც პროვოკაციების თავიდან ასაცილებლად მივმართეთ ეკონომიკის სამინისტროს“, - განაცხადა იორდანიშვილმა.

შეგახსენებთ, რომ პანკისის ხეობაში ადგილობრივების პროტესტი მცირე ჰესის „ხადორი - 3“-ის სამშენებლო სამუშაოების დაწყებას მოჰყვა. მდინარე ალაზანზე "ხადორი-3"-ს კომპანიები „ალაზანი ენერჯი“ და „ფერი“ აშენებენ.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა
ახალი წლიდან სილქნეტის ოპტიკურ ქსელში სატელევიზიო პაკეტები იცვლება
„ავერსში“ ლარის კურსის გამყარებასთან დაკავშირებით მედიკამენტებზე ფასების გაიაფება დაიწყო
2021 წლიდან, ყულევში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობა იგეგმება