გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება
გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. ამის შესახებ „ინტერპრესნიუსს“ „ენერგო-პრო ჯორჯიადან“ აცნობეს.
„გამანაწილებელ ქსელში დაგეგმილი სარეაბილიტაციო სამუშაოების გამო 25 აპრილს 10:05-დან 18:30 საათამდე ელექტროენერგიის მიწოდება შეეზღუდებათ აბონენეტებს სოფელ გლდანში, მამკოდაში, ლელუბანში, თიანეთის გზატკეცილზე და მიმდებარე ტერიტორიაზე.
13:30-დან 14:30 საათამდე ელეტრომომარაგება შეეზღუდებათ ქ. მცხეთაში ნარეკვავის, გურამიშვილის, გოგებაშვილის, კახეთის, სამხედროს და მიმდებარე ქუჩებს.
08:00-დან 17:00 საათამდე ელენერგია შეუწყდება თიანეთის მუნიციპალიტეტის სოფლებს სიონი, მაგრანეთი, ზემო ნაქალაქარი, ორხევი და მიმდებარე სოფლებს.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება“, - აღნიშნულია „ენერგო-პრო ჯორჯიას“ მიერ გავრცელებულ ინფორმაციაში.
