დავით ზალკალიანი - ევროპულ ქვეყნებში თავშესაფრის მაძიებელთა ზრდის სტატისტიკის შესამცირებლად კონკრეტული გეგმები დავსახეთ

კონკრეტული სამოქმედო გეგმები დავსახეთ, რასაც შედეგად მოჰყვება ის, რომ საგრძნობლად შემცირდება თავშესაფრის მაძიებელთა ზრდის სტატისტიკა ევროპულ ქვეყნებში და არ დადგება შეჩერების მექანიზმის ამოქმედების აუცილებლობა, - ასე გამოეხმაურა საქართველოს საგარეო საქმეთა მინისტრი დავით ზალკალიანი თეა წულუკიანის განცხადებას იმის თაობაზე, რომ გარკვეული ცვლილებები იქნება საჭირო, რათა უვიზო რეჟიმით ისარგებლონ მათ, ვინც კეთილსინდისიერად მიემგზავრება შენგენის სივრცეში.

მისი თქმით, სახელმწიფოსთვის მნიშვნელოვანია ის დიდი მონაპოვარი იყოს შენარჩუნებული, რომელიც ქვეყანას ევროკავშირში გადაადგილებასთან დაკავშირებით გააჩნია. ამასთან, მინისტრის განცხადებით, ნებისმიერ წუხილზე, რომელიც პარტნიორი და წევრი ქვეყნებისგან მოდის, სახელმწიფო დაუყოვნებლივ რეაგირებს.

„იყო გარკვეული ქვეყნების მხრიდან წუხილი თავშესაფრის მაძიებლის სტატისტიკის ზრდასთან დაკავშირებით. ჩვენი ქმედებებიც არის ადეკვატური. გუშინ ძალიან ნაყოფიერი შეხვედრა გვქონდა ევროკავშირის საშინაო საქმეთა კომისრის წარმომადგენელთან, შეხვედრები გაიმართა ყველა იმ უწყებაში, რომელიც ჩართულია ამ პროცესში. კონკრეტული სამოქმედო გეგმები დავსახეთ. ამაზე მომავალში აუცილებლად გვექნება საუბარი. ვფიქრობ, რომ ეს არის ზუსტად ის კონკრეტული ნაბიჯები, რაც გამოიწვევს და შედეგად მოჰყვება ის, რომ შემცირდება საგრძნობლად თავშესაფრის მაძიებელთა ზრდის სტატისტიკა ევროპულ ქვეყნებში და არ დადგება შეჩერების მექანიზმის ამოქმედების აუცილებლობა“, - განაცხადა დავით ზალკალიანმა.

იხილეთ ვიდეო

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის