საფრანგეთის პოლიციამ ადამიანთა ჯგუფი დააკავა, რომლებიც სამართალდამცველთა წინააღმდეგ ტერაქტების მომზადებაში არიან ეჭვმიტანილები. ამის შესახებ ადგილობრივი მედია პარიზის პროკურატურაზე დაყრდნობით იუწყება.
მათი დაკავება გამოძიების ფარგლებში მოხდა, რომელიც თებერვალში დაჯგუფების სავარაუდო მეთაურის წინააღმდეგ დაიწყო. გავრცელებული ცნობით, დაკავებულები ტერაქტს უახლოეს პერიოდში გეგმავდნენ.
დაკავებულებს შორის ერთი არასრულწლოვანია, რომელიც 2017 წელს 15 წლის ასაკში დააკავეს სირიაში გამგზავრების მცდელობისთვის. მას სამი წლით პატიმრობა მიესაჯა, მათ შორის ორი წელი პირობითი პატიმრობა.