დღეს დილით, ახალ ზელანდიაში, ქალაქ კრაისტჩერჩში ასაფეთქებელი ნივთიერება აღმოაჩინეს. ამის შესახებ ინფორმაციას Reuters ავრცელებს.
„პოლიციამ დაადგინა პაკეტის ადგილმდებარეობა, რომელშიც სავარაუდოდ, ასაფეთქებელი მოწყობილობა და საბრძოლო მასალა იყო განთავსებული“, - განაცხადა უბნის პოლიციის უფროსმა ჯონ პრაისმა.
პოლიციის განცხადებით, ეჭვმიტანილი, 33 წლის ადგილობრივი მამაკაცი უკვე დაკავებულია.
აღსანიშნავია, რომ გასულ თვეს, ქალაქ კრაისტჩერჩში ორ მეჩეთზე დავდასხმა მოხდა, რომლის დროსაც შეიარაღებულმა მამაკაცმა 50 ადამიანი მოკლა.
დღეს კი პოლიციამ ასაფეთქებელი ნივთიერება სწორედ ამ ორი მეჩეთიდან ერთ - ერთ, ლინვუდის მეჩეთთან ერთ კილომეტრში იპოვა.