საქართველოს პრეზიდენტი, სალომე ზურაბიშვილი, თავდაცვის ძალების თითოეულ წარმომადგენელს, საქართველოს თავდაცვის ძალების დაარსებიდან 28 წელის შესრულებას ულოცავს.

ამის შესახებ პრეზიდენტის პრესსპიკერმა, ხატია მოისწრაფიშვილმა, დღევანდელ პრესკონფერენციაზე განაცხადა.

მისივე თქმით, ამ დღესთან დაკავშირებით, დღეს, საქართველოს პრეზიდენტი მონაწილეობას მიიღებს სადღესასწაულო ღონისძიებაში, რომელიც ვაზიანში, მე-4 მექანიზებული ბრიგადის ტერიტორიაზე გაიმართება.

"საქართველოს პრეზიდენტი სალომე ზურაბიშვილი, ულოცავს საქართველოს თავდაცვის ძალების თითოეულ წარმომადგენელს, ასევე მთელს საქართველოს, ამ მნიშვნელოვან თარიღს. ამასთან დაკავშირებით, დღეს საქართველოს პრეზიდენტი მონაწილეობას მიიღებს სადღესასწაულო ღონისძიებაში, რომელიც ვაზიანში, მე-4 მექანიზებული ბრიგადის ტერიტორიაზე გაიმართება. თავდაცვის ძალების დღისადმი მიძღვნილი ცერემონია, ბრიგადის ტერიტორიაზე არსებული, საქართველოს ტერიტორიული მთლიანობისთვის დაღუპულ გმირთა მემორიალის, გვირგვინებით შემკობით დაიწყება", - განაცხადა ხატია მოისწრაფიშვილმა.