რატი იონათამიშვილი - საგზაო უსაფრთხოების კუთხით აგრესიული პიარი კარგია - გამოცდილებით ვიცი, როგორ შეიძლება ერთმა წამმა თავდაყირა დააყენოს ადამიანის სიცოცხლე

პირადი გამოცდილებით ვიცი, როგორ შეიძლება გაუთვალისწინებელმა წამმა, ერთმა, თუნდაც უცოდინარობით დაშვებულმა შეცდომამ, თავდაყირა დააყენოს ადამიანის სიცოცხლე და როგორც საკუთარი, ასევე სხვისი ჯანმრთელობა, - ამის შესახებ საპარლამენტო უმრავლესობის წევრმა, რატი იონათამიშვილმა, საგზაო უსაფრთხოებაზე საუბრისას, პარლამენტში განაცხადა, სადაც შს მინისტრ გიორგი გახარიას უსმენენ.

რატი იონათამიშვილი აღნიშნავს, რომ ის მიესალმება ყველა საზოგადოებრივ კამპანიას, რომელიც საგზაო უსაფრთხოების წესების გამკაცრების მიმართულებით მუშაობს.

„მე მინდა დადებითად შევაფასო ყველა ის ინიციატივა და საზოგადოებრივი კამპანია, რომელიც გამკაცრებისკენ იქნება მოწოდებული საგზაო უსაფრთხოებაზე, რადგანაც ამ შემთხვევაში, გამკაცრება ნამდვილად ტოლი არის სამართლიანობის. პირადი გამოცდილებიდან ვიტყვი, როგორ შეიძლება გაუთვალისწინებელმა წამმა, ერთმა თუნდაც უცოდინარობით დაშვებულმა შეცდომამ, თავდაყირა დააყენოს ადამიანის სიცოცხლე და როგორც საკუთარი ჯანმრთელობა, ასევე სხვისი და ვფიქრობ, რომ აგრესიული პიარი, ამ შემთხვევაში ძალიან კარგია და ვფიქრობ, რომ ეს დაგვაფიქრებს და შედეგები ძალიან მალე გვექნება“, - აღნიშნა რატი იონათამიშვილმა.

მისი თქმით, ეტლით მოსარგებლე ადამიანებისთვის, ეტლი არის არა ავარიის შედეგი, არამედ ამ შედეგზე გამარჯვების სიმბოლო.

„ერთ საკითხზე ვიტყვი, რამაც ეტლით მოსარგებლე ადამიანებში გარკვეული უხერხულობა შექმნა. ეს არის რგოლი, სადაც ეტლი, როგორც ნეგატიური რეკვიზიტი წარმოდგენილი, რადგანაც ჩემს შემთხვევაში და ყველა ეტლით მოსარგებლე ადამიანისთვისაც, ეტლი ავარიის შედეგი კი არ არის, არამედ ამ შედეგზე გამარჯვების სიმბოლოა. რაც შეეხება ჩემს კითხვას, თუ არის საჭირო კიდევ სხვა მიმართულებებით, რომ გავამკაცროთ კანონმდებლობა ან აღსრულების მექანიზმები იმისთვის, რომ ერთად ვიზრუნოთ ადამიანების სიცოცხლეზე და ჯანმრთელობაზე“, - მიმართა რატი იონათამიშვილმა გიორგი გახარიას.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს