გიორგი ქობულია - რიგი  გადაწყვეტილებები არ იყო  ეკონომიკურ შედეგზე ორიენტირებული  და  პოლიტიკურადაც  დამაზიანებელი იყო მმართველი გუნდისთვის, ეს იყო კონფლიქტის ერთ-ერთი მიზეზი

იყო მთელი რიგი გადაწყვეტილებები, რომლებიც მე მიმაჩნდა უფრო პოლიტიკურად დატვირთული, ვიდრე შედეგზე ორიენტირებული, ასეთ გადაწყვეტილებებს არ ვეთანხმებოდი და არ ვიღებდი, - ამის შესახებ ეკონომიკისა და მდგრადი განვითარების ყოფილმა მინისტრმა გიორგი ქობულიამ განაცხადა.

გიორგი ქობულიას განცხადებით, ის დეტალებზე საუბარს არ აპირებს, თუმცა გადაწყვეტილებების მიღების დროს, რიგ შემთხვევებში მას გუნდისგან მხარდაჭერა არ ჰქონდა. ამის შესახებ მან კითხვაზე - რა სხვაობა იყო მასსა და მმართველი პოლიტიკური გუნდის ხედვებს შორის - საპასუხოდ განაცხადა.

„არც დღეს და არც მომავალში დეტალებზე საუბარს არ ვაპირებ. არ მგონია, რომ ეს კორექტული, პროფესიონალური იქნება ჩემი მხრიდან. ამასთან ერთად, ზოგადად, მინდა ვთქვა, იყო გადაწყვეტილებები, რომლებიც არა მარტო შეიძლება პოლიტიკურად იყო დატვირთული და არა ეკონომიკურ შედეგზე ორიენტირებული, არამედ ამავე დროს, ჩემი აზრით, პოლიტიკურადაც, დამაზიანებელი იყო ჩვენთვის, როგორც მმართველი გუნდისთვის. ამაზეც მინდა ვთქვა, რომ ასეთი გადაწყვეტილებები განსაკუთრებით მიუღებელი იყო ჩემთვის. სადაც არც ეკონომიკური შედეგი იყო და ჩემი აზრით, პოლიტიკურადაც დამაზიანებელი იყო. ეს იყო, რა თქმა უნდა, კონფლიქტის ერთ-ერთი მიზეზი. არსებობდა მთელი რიგი გადაწყვეტილებები, რომლებიც მე სწორად, მართებულად მიმაჩნდა და რომელთა მიღებაც მიჭირდა, იმიტომ, რომ საკმარისი მხარდაჭერა არ მქონდა,“ - განაცხადა გიორგი ქობულიამ გადაცემაში „ფორბსის კვირა“.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)