გიორგი ქობულია მზად არის ეკონომიკის მინისტრად მუშაობის 8-თვიანი  ანგარიში პარლამენტს წარუდგინოს

გიორგი ქობულია მზად არის, საქართველოს ეკონომიკისა და მდგრადი განვითარების მინისტრად მუშაობის 8-თვიანი ანგარიში პარლამენტს წარუდგინოს , თუკი ინტერესი იქნება. აღნიშნულთან დაკავშირებით გიორგი ქობულიამ ვრცლად ისაუბრა და განაცხადა, რომ ის თავს ხალხის წინაშე ვალდებულად თვლის.

„მე მგონია, რომ დღეს ეკონომიკის სამინისტრო თავისი შესაძლებლობებით და მუშაობით არის ერთ-ერთ საუკეთესო ფორმაში ბოლო წლებთან შედარებით. თუ ლაპარაკი ეხება სამინისტროს მუშაობის შედეგიანობას, მე მზად ვარ წარვადგინო ანგარიში, თუ რა იყო გაკეთებული და რა შედეგებს მივაღწიეთ. მზად ვიქნებოდი წარმედგინა პარლამენტის ეკონომიკური პოლიტიკის კომიტეტისთვისაც, თუ ამის სურვილი იქნებოდა რა თქმა უნდა“,-აცხადებს ქობულია.

ყოფილი მინისტრის თქმით, ის თავს მოვალედ თვლის პარლამენტის წინაშე.

„ მე მოვალედ ვთვლი ჩემ თავს პარლამენტის წინაშე, რადგანაც პარლამენტი არის ჩვენი მოსახლეობის წარმომდგენლობა-ვის წინაშეც ვთვლი, რომ ჩემი ანგარიში უნდა წარვადგინო. თუ ამის ინტერესი იქნებოდა, მე მზად ვიქნებოდი ეს გამეკეთებინა“,-აცხადებს ქობულია გადაცემაში „ფორბსის კვირა“.

ამასთან, ქობულია აღნიშნავს, რომ დღევანდელი მმართველი ძალა არის ერთადერთი ლეგიტიმურად არჩეული ძალა და ის, რომ დღეს გიორგი ქობულია „მმართველ გუნდში არ ეწერება“, გარკვეულწილად ნიშნავს, რომ ეს ხალხის გადაწყვეტილებაც არის.

"რამდენად სწორად წავიდა ქობულია, თუ არასწორად წავიდა, არ არის იმდენად სალაპარაკო და არ არის ბევრი გასარჩევი",-აცხადებს ქობულია.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
ახალი შესაძლებლობა საცალოდ ვაჭრობის სფეროთი დაინტერესებულთათვის - საქართველოში ორმაგი აკრედიტაციის მქონე პროგრამა იწყება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან
2020 წელს საქართველოში ნარკოტიკზე, ალკოჰოლსა და აზარტულ თამაშებზე დამოკიდებულთათვის პირველი სარეაბილიტაციო სტაციონარის გახსნა იგეგმება
ენერგეტიკის გამოფენა და კონფერენცია “გლობალური ენერგეტიკული ტრენდები“ "ექსპოჯორჯიაში" გაიმართება
„ლექსუსი“ 2020 წლისთვის ქართველ მომხმარებელს განახლებულ Lexus GX460-ს სთავაზობს
"ლიბერთის" თანადგომა ბავშვთა სარეაბილიტაციო ცენტრ - ,,რეჰაბს“