შსს-ს 100-ზე მეტმა თანამშრომელმა კახეთში გამართულ საერთაშორისო საქველმოქმედო მარათონში მონაწილეობა მიიღო

შინაგან საქმეთა სამინისტროს სხვადასხვა დეპარტამენტის 100-ზე მეტმა თანამშრომელმა მონაწილეობა მიიღო კახეთში გამართულ საერთაშორისო საქველმოქმედო მარათონში - ”მსოფლიო რბენა” (Wings for life world Run).

როგორც „ინტერპრესნიუსს“ შსს-დან აცნობეს, სამინისტროს წარმომადგენლები მარათონში საგზაო მოძრაობის უსაფრთხოების კამპანიის - #მეტისიცოცხლისთვის ფარგლებში, ამავე კამპანიის სლოგანით ბრენდირებული მაისურებით მონაწილეობდნენ.

უწყების განმარტებით, შინაგან საქმეთა სამინისტრო მხარს უჭერს ჯანსაღი ცხოვრების წესს და სწორედ მისი პოპულარიზაცის მიზნით ჩაერთნენ შსს-ს თანამშრომელები აღნიშნულ ღონისძიებაში.

მასშტაბური გარბენი კახეთში წელს უკვე მეექვსედ ჩატარდა. საქველმოქმედო ღონისძიება, მსოფლიოს მასშტაბით, ერთდროულად 6 კონტინენტზე და 25 ქვეყანაში გაიმართა. საერთაშორისო მარათონი მიზნად ზურგის ტვინის დაავადების მქონე პაციენტთა დახმარებას ისახავს.

უწყების განმარტებითვე, შინაგან საქმეთა სამინისტროს თანამშრომლები ყოველწლიურად, საქველმოქმედო ღონისძიებაში მონაწილეობის გარდა, საქართველოში მის უსაფრთხოდ ჩატარებას უზრუნველყოფენ.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 13.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
ქართული USB კაბელი ტენე, მალე მეორადი ნარჩენებისგან დამზადდება
მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა
ახალი წლიდან სილქნეტის ოპტიკურ ქსელში სატელევიზიო პაკეტები იცვლება
„ავერსში“ ლარის კურსის გამყარებასთან დაკავშირებით მედიკამენტებზე ფასების გაიაფება დაიწყო
2021 წლიდან, ყულევში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობა იგეგმება