დოლაბაურის ხევში დასუფთავების აქცია გაიმართა

თბილისის საკრებულოს ისნის რაიონის მაჟორიტარი დეპუტატის ნინო ლაცაბიძის ინიციატივით, წერნაქის ქუჩის ბოლოს მდებარე დოლაბაურის ხევში დასუფთავების მასშტაბური აქცია მოეწყო.

საკრებულოს წევრის განცხადებით, ხევში ანტისანიტარია იყო.

„დედაქალაქის მერიის დასუფთავების სამსახურის, ისნის რაიონის გამგეობის წარმომადგენლებთან და მოხალისე ახალგაზრდებთან ერთად, დოლაბაურის ხევის დასუფთავების სამუშაოები დავიწყეთ.

სასიხარულოა, რომ აქციაში ადგილობრივი მოსახლეობაც აქტიურად ჩაერთო. არსებული უმძიმესი მდგომარეობა ერთობლივი ძალისხმევით აუცილებლად გამოსწორდება და მოსახლეობას ეს ულამაზესი ხევი დაუბრუნდება“,- განაცხადა ნინო ლაცაბიძემ.

ინფორმაციას თბილისის საკრებულოს პრესსამსახური ავრცელებს.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 09.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი