მთაწმინდის მაჟორიტარობის დამოუკიდებელმა კანდიდატმა ლევან იოსელიანმა საარჩევნო პროგრამის - “ისტორიული თბილისის რევიტალიზაციისა და განვითარების გეგმა” პრეზენტაცია გაიმართა.

როგორც „ინტერპრესნიუსს“ დამოუკიდებელი კანდიდატის საარჩევნო შტაბიდან აცნობეს, იოსელიანმა სხვა მნიშვნელოვან საკითხებთან ერთად წარადგინა საკუთარი ხედვა, თუ როგორ შეიძლება ჰქონდეს ისტორიული თბილისის ყველა მცხოვრებელს ყოველთვიური შემოსავლის სახით მინიმუმ 1000 დოლარი. ასევე წარადგინა კულტურული მემკვიდრეობის გადარჩენისა და განვითარების ხედვა და ისტორიულ უბნებში ადგილობრივი მოსახლეობის შენარჩუნების გენერალური სტრატეგია.

„ეკონომისტებთან ერთად დიდი ხნის განმავლობაში ვმუშაობდით პლატფორმის შემუშავებაზე, რომელიც თითოეულ მოქალაქეს ვინც მთაწმინდაზე,სოლოლაკში,ვერასა და ოქროყანაში ცხოვრობს, ჰქონდეს რეალური და სოლიდური შემოსავალი. ამ პროგრამაში ჩართვის შემთხვევაში,ყველა ოჯახში, ყველაზე პესიმისტური გათვლით,მინიმუმ 1000 დოლარი იქნება ყოველთვიური შემოსავალი. დიდი იმედი მაქვს,ჩვენს მიერ შემუშავებულ პროექტში ადგილობრივი მოსახლეობა აქტიურად ჩაერთვება და კონკრეტულ სარგებელს მიიღებს”, -განაცხადა პრეზენტაციაზე იოსელიანმა.