მე არ ვყოფილვარ ჩართული ქობულიას გათავისუფლების ან წასვლის პროცესში, -ამის შესახებ "ინტერპრესნიუსს" ინფრასტრუქტურის მინიტრმა მაია ცქიტიშვილმა გიორგი ქობულიას გათავისუფლების კომენტირებისას განუცხადა.

"ინტერპრესნიუსის" კითხვაზე, იყო თუ არა გიორგი ქობულიას გათავისუფლება გუნდის მიერ მიღებული გადაწყვეტილება და იყო თუ არა ამ პროცესში თავად ჩართული, ცქიტიშვილმა განაცხადა, რომ თავად პროცესში ჩართული არ ყოფილა.

„მე არ ვყოფილვარ ჩართული გიორგი ქობულიას გათავისუფლების ან წასვლის პროცესში. როგორც პრემიერმა განაცხადა, ეს იყო გადაწყვეტილება, რომელიც მათ ერთობლივად მიიღეს",-განაცხადა მინისტრმა.

მოსალოდნელ საკადრო ცვლილებებზე ცქიტიშვილი აცხადებს, რომ როგორც პრემიერმა აღნიშნა ცვლილებები მოსალოდნელი არაა.