პაკისტანში აფეთქების შედეგად 5 ადამიანი დაიღუპა
პაკისტანის ქალაქ ლაჰორეში აფეთქების შედეგად სულ მცირე 5 ადამიანი დაიღუპა. „ბიბისის“ ცნობით, აფეთქება მუსლიმი სუფისტების სალოცავთან მოხდა.
როგორც ადგილობრივი მედია წერს, დაშავებულია არაერთი ადამიანი.
გავრცელებული ცნობით, თავდასხმის სამიზნე პოლიციის მანქანა იყო. მომხდარზე პასუხისმგებლობა ჯერ არავის აუღია. ადგილზე სამაშველო სამუშაოები მიმდინარეობს. მობილიზებულია პოლიციაც. სალოცავი, სადაც აფეთქება მოხდა, ერთ-ერთი ყველაზე ძველი მუსლიმური მეჩეთია სამხრეთ აზიაში.
იხილეთ ვიდეო: პაკისტანის ქალაქ ლაჰორეში აფეთქების შედეგად სულ მცირე 5 ადამიანი დაიღუპა
