კახა კალაძე - მალე გვეცოდინება, საერთოდ, გვჭირდება თუ არა სამარშრუტო ტაქსები

ძალიან მალე გვეცოდინება, საერთოდ, გვჭირდება თუ არა სამარშრუტო ტაქსები, - ამის შესახებ თბილისის მერმა კახა კალაძემ MAN-ის მარკის ახალი ავტობუსების წარდგენის შემდეგ განაცხადა.

კახა კალაძემ ისაუბრა საზოგადოებრივი ტრანსპორტის შესახებ და აღნიშნა, რომ მალე ცნობილი გახდება, თუ როგორ გადალაგდება ქალაქში ტრანსპორტი.

„ჩვენ ძალიან მალე გვეცოდინება, საერთოდ გვჭირდება თუ არა სამარშრუტო ტაქსები და ასევე, როგორ გადალაგდება ტრანსპორტი ქალაქში. ამის შესახებ უახლოეს მომავალში გვექნება სრული დასკვნა, ფრანგული კომპანია ატარებს კვლევას, რომელიც გასულ წელს დაიწყო და ძალიან მალე გვექნება სრული მონაცემები“, - განაცხადა კალაძემ.

მან ისაუბრა წარდგენილი ახალი ავტობუსებისა და საზოგადოებრივი ტრანსპორტის განახლების შესახებ.

"დღეს ახალი ავტობუსების პრეზენტაცია გვქონდა, შეძენილი 90 ავტობუსიდან 50 უკვე თბილისშია და ორშაბათიდან თბილისის მცხოვრებლებს მოემსახურება. თვის ბოლომდე დარჩენილი 40 ავტობუსიც ხაზებზე გაეშვება. ჩვენ უკვე დავასრულეთ ტენდერი 220 8-მეტრიან ავტობუსებზეც, რომელთა მიწოდებაც წლის ბოლომდე უნდა მოხდეს. ჩვენი პოლიტიკა საზოგადოებრივი ტრანსპორტის განახლებაზე ძალიან მნიშვნელოვანია, წინგადადგმული ნაბიჯები გვაქვს. პირობა იყო დადებული, რომ ჩანაცვლდებოდა ასევე ყვითელი ავტობუსების პარკი, მოხდებოდა მეტროს მთლიანი რეაბილიტაცია, ვაგონების რეაბილიტაცია და იმ ვაგონების ნაცვლად ახალი ვაგონების შეძენა, რომლებიც რეაბილიტაციას არ ექვემდებარება. ასევე, მეტროსადგურების რეაბილიტაცია, ძალოვანი კაბელების შეცვლა, რომელივ უკვე დაწყებული გვაქვს და უშუალოდ სამუშაოები ივნისის ბოლოსთვის დაიწყება. საზოგადოებრივი ტრანსპორტი უნდა იყოს ყველაზე კომფორტული, პოპულარული და სწრაფი, რადგან ძალიან ბევრი ადამიანი სარგებლობს და დარწმუნებული ვარ, ამ ცვლილებების შედეგად კიდევ უფრო მეტი ადამიანი ისარგებლებს საზოგადოებრივი ტრანსპორტით და კერძო ავტომობილებზე უარს იტყვის",- განაცხადა კალაძემ.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა