პარლამენტმა „შრომის კოდექსში“ ცვლილებები დაამტკიცა, რომლითაც უქმე დღის - 12 მაისის სტატუსი ახლებურად განისაზღვრა.

რიგგარეშე სხდომაზე მესამე მოსმენით მიიღეს პროექტი, რომლის თანახმად, 12 მაისი წმინდა ანდრია მოციქულის ხსენების დღის გარდა, ასევე იქნება ყოვლადწმინდა ღვთისმშობლისადმი საქართველოს წილხვდომილობის დღე - იმედის დღე.

აღნიშნული საკანონმდებლო წინადადება საპატრიარქოს ეკუთვნის და ის პარლამენტს კანონპროექტის სახით მთავრობამ წარუდგინა.

კანონპროექტი მესამე მოსმენით - 96 ხმით მიიღეს.