თავდაცვის სამინისტროს სპეციალური წოდების მქონე პირებს სახელმწიფო კომპენსაციის დანიშვნის უფლება ექნებათ

თავდაცვის სამინისტროს სპეციალური წოდების მქონე პირებს სახელმწიფო კომპენსაციის დანიშვნის უფლებამოსილება მიეცემათ.

ამასთან, თავდაცვის სამინისტროდან დათხოვნილ სახელმწიფო სპეციალური წოდების მქონე პირებს სახელმწიფო კომპენსაციის დანიშვნის უფლება იმ შემთხვევაში მიეცემათ, თუ მათ ნამსახურობის არანაკლებ 20 წელი ექნებათ. ნამსახურობაში, გარდა თავდაცვის სამინისტროში სახელმწიფო სპეციალური წოდებით ნამსახურობისა, შედის სამხედრო და სახელმწიფო სპეციალური წოდებით, აგრეთვე პროკურატურის ორგანოებში და მოსამართლედ მუშაობის პერიოდი.

ამ მიმართულებით “სახელმწიფო კომპენსაციისა და სახელმწიფო აკადემიური სტიპენდიის შესახებ“ კანონში დაგეგმილი ცვლილებები დღეს პარლამენტის თავდაცვისა და უშიშროების კომიტეტმა პირველი მოსმენით განიხილა და მხარი დაუჭირა.

მოქმედი კანონი თავდაცვის სამინისტროს სპეციალური წოდების მქონე პირთათვის სახელმწიფო კომპენსაციის დანიშვნის იმავე გარანტიებს არ ითვალისწინებს, რაც სხვა სახელმწიფო უწყებების სპეციალური წოდების მქონე პირებისათვის არის დადგენილი. კერძოდ, სხვა სახელმწიფო უწყებების სპეციალური წოდების მქონე პირებს - მაგალითად, შსს-ს, სუს-ის და სახელმწიფო დაცვის სპეციალური სამსახურის მოსამსახურეებს სპეციალური წოდებით ნამსახური წლები სახელმწიფო კომპენსაციისთვის დასანიშნ წლებში ეთვლებათ და 20 და მეტი წოდებით ნამსახური წლების დაგროვების შემთხვევაში, მათ კანონით დადგენილი წესით სახელმწიფო კომპენსაციის დანიშვნის უფლება წარმოეშვებათ. ანალოგიური უფლებით არ სარგებლობენ თავდაცვის სამინისტროს სპეციალური წოდების მქონე პირები (სამხედრო პოლიციის დეპარტამენტის და გენერალური ინსპექციის მოსამსახურეები).

„აუცილებელია თავდაცვის სამინისტროს სპეციალური წოდების მქონე პირებისათვის სახელმწიფო კომპენსაციის დანიშვნის ანალოგიური პირობების დადგენა, რაც უზრუნველყოფს არსებითად თანასწორი სტატუსის მქონე პირების თანაბარ მდგომარეობაში ჩაყენებას და გაზრდის მათ მოტივაციას“, - განმარტავს თავდაცვის სამინისტრო, რომელიც პარლამენტში წარდგენილი კანონპროექტის ავტორია.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით