წილხვდომილობის დღესასწაულთან დაკავშირებით, ცენტრალური ღონისძიება მახათას მთაზე გაიმართება, - ამის შესახებ განათლების, მეცნიერების, კულტურისა და სპორტის მინისტრის პირველმა მოადგილემ მიხეილ გიორგაძემ განაცხადა.
მისი თქმით, აღნიშნულ დღესთან დაკავშირებით სხვადასხვა სახის კულტურული ღონისძიება მთელი საქართველოს მასშტაბითაა გათვალისწინებული.
"წილხვდომილობის აღნიშვნის დღესასწაულთან დაკავშირებით, საკმაოდ დიდი პროგრამაა მომზადებული, რომელიც შესაბამისი თემატიკის სხვადასხვა სახის კულტურულ ღონისძიებებს გულისხმობს. ეს არა მხოლოდ თბილისში, არამედ მთელი ქვეყნის მასშტაბით, რეგიონებშია გათვალისწინებული. 12 მაისს ცენტრალური ღონისძიება იქნება მახათას მთაზე, სადაც წარმოდგენილი იქნება ამ თემატიკის შესაბამისი წარმოდგენა-პერფომანსი"- განაცხადა მიხეილ გიორგაძემ.