შინაგან საქმეთა სამინისტროს საპატრულო პოლიციის დეპარტამენტის წარმომადგენელმა ვაჟა სირაძემ პარლამენტის მიმდებარედ განლაგებული პოლიციელების შესახებ კომენტარი გააკეთა.
“გამოხატვის თავისუფლება არის ადამიანის უფლებების ერთ-ერთი ფუნდამენტური უფლება და სწორედ ამის უზრუნველსაყოფად დგანან აქ პოლიციელები“, - განაცხადა მან.
კითხვაზე, რა ინფორმაცია აქვთ ბანერების ჩამოხსნასთან დაკავშირებით, ვაჟა სირაძემ განაცხადა, რომ ეს საკითხი არ არის შინაგან საქმეთა სამინისტროს კომპეტენცია.
“ბანერების ჩამოხსნასთან დაკავშირებით, ჩვენ შინაგან საქმეთა სამინისტრო არ ვართ კომპეტენტური, შეგიძლიათ მიმართოთ შესაბამის უწყებებს“, - განაცხადა ვაჟა სირაძემ.
სამოქალაქო აქტივისტებმა დედაქალაქის უბნებში გამოფინეს ბანერები წარწერით: - “დავიწყოთ ბოდიშით“, "ძალაც და უფლებაც ოლიგარქს", "უფრო მორჩილი სასამართლო". აქტივისტებმა და ამ ფორმით საჯაროდ გამოხატეს უკმაყოფილება ხელისუფლების პოლიტიკის მიმართ.