მიხეილ ბატიაშვილი პედაგოგების საარჩევნო პროცესში ჩართულობას და სახელისუფლებო კანდიდატებისთვის მხარდაჭერაზე გავრცელებულ ინფორმაციას უარყოფს

განათლების, მეცნიერების, კულტურისა და სპორტის მინისტმა მიხეილ ბატიაშვილმა საარჩევნო პროცესში პედაგოგების ჩართულობასთან დაკავშირებით გავრცელებულ ინფორმაციაზე ბათუმში ყოფნისას კომენტარი გააკეთა. მიხეილ ბატიაშვილმა კატეგორიულად უარყო ინფორმაცია, რომ პედაგოგებს საარჩევნო პროცესში ჩართულობას და სახელისუფლებო კანდიდატებისთვის ხმის მიცემას აიძულებენ.

„პირდაპირ შემიძლია გითხრათ, რომ ეს არის ყოვლად უსაფუძვლო განცხადება, ამის არანაირი ფაქტი არ არსებობს და მე ვფიქრობ, რომ მასწავლებლების თემაზე ეს საუბარი ერთხელ და სამუდამოდ, უნდა დასრულდეს. ჩვენ რაც რეალურად გვაინტერესებს, ეს არის მიმართული იმისკენ, რომ განათლების სფერო განვითარდეს. განვითარება ნიშნავს თავისთავად ყველანაირ თავისუფლებას, თავისუფალ არჩევანს. ყველამ უნდა ვიცხოვროთ ისეთ ქვეყანაში, რომელიც მიმართულია დემოკრატიული პრინციპებისკენ, ამიტომ ჩვენი მთავარი პრიცინპი არის, რომ ყველა ადამიანს ჰქონდეს თავისუფალ ქვეყანაში, თავისუფალი არჩევანის შესაძლებლობა“, - განაცხადა მიხეილ ბატიაშვილმა.

შეგახსენებთ, რომ „ევროპული საქართველოს“ წევრმა სერგო რატიანმა განაცხადა, რომ სკოლები და პედაგოგები ისევ პოლიტიკური მიზნებისთვის გამოიყენება. „ევროპული საქართველოს“ პარტიის ოფისში, ნინო გოგუაძისა და სერგო რატიანის ბრიფინგი გაიმართა, სადაც მათ განაცხადეს, რომ პოლიტიკური მიზნებისთვის ხდება ადმინისტრაციული რესურსების გამოყენება.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ