მას შემდეგ, რაც 17 აპრილს საფრანგეთის მთავრობამ პარიზის ღვთისმშობლის ტაძრის სახურავის აღდგენის გეგმაზე საერთაშორისო კონკურსი გამოაცხადა, არქიტექტორები და გრაფიკული დიზაინერები საკუთარ იდეებს წარადგენენ. მსოფლიოს მასშტაბით ასობით არქიტექტორმა, გრაფიკულმა დიზაინერმა თუ უბრალოდ ტაძრის აღდგენით დაინტერესულმა პირმა საკუთარი ნამუშევრები წარმოადგინა.

აღსანიშნავია, რომ ზოგიერთი მათგანი უჩვეულო და უცნაური აღმოჩნდა. სოციალურ მედიაში ისინი მალევე გახდა განსჯისა და კრიტიკის საგანი.

ძლიერი ხანძარი პარიზის ღვთისმშობლის ტაძარში 15 აპრილს გაჩნდა. ხანძრის შედეგად ჩამოინგრა ტაძრის შპილი და სახურავი. მეხანძრეებმა შეძლეს შენობის ძირითადი კონსტრუქციის გადარჩენა. ტაძარში არსებული რელიკვიები, მათ შორის იესო ქრისტეს ეკლის გვირგვინი გადარჩენილია.