გორის მუნიციპალიტეტის სეტყვის შედეგად დაზარალებული სოფლების წარმომადგენლებს გარემოს დაცვისა და სოფლის მეურნეობის მინისტრი ლევან დავითაშვილი, შიდა ქართლის გუბერნატორი და გორის მუნიციპალიტეტის მერი ხვდებიან.
გორის მუნიციპალიტეტის ტერიტორიაზე სეტყვამ 30-ზე მეტი სოფელი დააზარალა. ძირითადად, განადგურებულია კურკოვანი ხილი და ბოსტნეული კულტურები. დაზარალებულებმა გუშინ ზარალის ანაზღაურება მოითხოვეს და პროტესტის ნიშნად ავტობანის გადაკეტვა სცადეს. აქციის მონაწილეებს გუშინვე გარემოს დაცვისა და სოფლის მეურნეობის მინისტრი და შიდა ქართლის გუბერნატორი შეხვდნენ.