კახა კუჭავა - მნიშვნელოვანია, განისაზღვროს პიროტექნიკის გამოყენების ადგილები
პარლამენტის გარემოს დაცვისა და ბუნებრივი რესურსების კომიტეტის თავმჯდომარის კახა კუჭავას განცხადებით, ჰაერის დაბინძურების პრობლემიდან გამომდინარე, მნიშვნელოვანია განისაზღვროს პიროტექნიკის გამოყენების ადგილები და ასევე მისი გამოყენების ხანგრძლივობა.
როგორც კუჭავამ, პარლამენტში სიტყვით გამოსვლისას განაცხადა, დღეის მდგომარეობით პიროტექნიკის ხარისხის კონტროლი არ ხორციელდება.
„ერთ-ერთი საკითხი, რომელიც განვიხილეთ ეს იყო პიროტექნიკა და ე.წ. ფოიერვერკი. დღეს, არანაირი სტანდარტით არ ხორციელდება მათი შემოტანა, ხარისხის გაკონტროლება. ნებისმიერი დღესასწაულის, დაბადების დღეზე, ზეიმზე, თუ ქორწილზე პიროტექნიკას ჰაერში ვაფრქვევთ, შემდეგ კი ვსუნთქავთ ქიმიკატებს. ჩვენი რეკომენდაცია იყო რომ ამ კუთხით აუცილებლად გაიმართოს მსჯელობა და ანგარიში მოგვახსენონ, თუ რა სტანდარტები დაწესდება ასეთი პიროქტექნიკის, აქ დამზადებისა თუ იმპორტირების შემთხვევაში. გარდა ამისა, უნდა განისაზღვროს შესაბამის ადგილები და ასეთი პოროტექნიკის გამოყენების ხანგრძლივობა.
კახა კუჭავა პარლამენტში „თბილისში ატმოსფერული ჰაერის დაბინძურებაზე თემატური მოკვლევის ჯგუფის ანგარიშს“ წარადგენს.
v-if="article.gallery" v-html="article.gallery"
