მინდა ვკითხო, რიტორიკულად, როდის დატოვებს თანამდებობას? დაისვენოს თვითონ, დაასვენოს ქვეყანა და დაასვენოს ხალხი, - ასე მიმართა დამოუკიდებელმა დეპუტატმა დავით ჭიჭინაძემ პრემიერ-მინისტრს მამუკა ბახტაძეს, რომელიც საკანონმდებლო ორგანოში ინტერპელაციის წესით იმყოფება.

დავით ჭიჭინაძის თქმით, დღეს ქვეყანას ეტყობა, რომ პრემიერ-მინისტრი არ ჰყავს და მამუკა ბახტაძის ქმედებები მხოლოდ და მხოლოდ ფიქტიურია.

„ვფიქრობ, რომ რეგლამენტით 1.50 წუთით პარლამენტმა ის სტატუსი განსაზღვრა, რაც დღეს ჩვენს პრემიერ-მინისტრს გააჩნია. მინდა, ვკითხო რიტორიკულად, როდის დატოვებს თანამდებობას? დაისვენოს თვითონ, დაასვენოს ქვეყანა და დაასვენოს ხალხი. ვფიქრობ, რომ რასაც ეს ადამიანი დღეს აკეთებს, მხოლოდ და მხოლოდ ფიქტიური ფუნქციაა. პარლამენტშიც ფიქტიურად მოდის, ტელევიზორშიც ფიქტიურად გამოდის და პრინციპში, დღეს ქვეყანას ეტყობა, რომ პრემიერ-მინისტრი არ ჰყავს“, - განაცხადა ჭიჭინაძემ.