პარლამენტში ინტერპელაციის წესით ჯანდაცვის მინისტრის მოსმენა მიმდინარეობს
პარლამენტის პლენარულ სხდომაზე ინტერპელაციის წესით ჯანდაცვის მინისტრის მოსმენა მიმდინარეობს.
დავით სერგეენკო ფრაქცია “ქართულმა ოცნებამ“ სოციალური დახმარებების განაწილებისა და საყოველთაო ჯანდაცვის პროგრამის ფარგლებში გამოყოფილი ხარჯების მიზნობრიობის საკითხთან დაკავშირებით მიიწვია.
“როდესაც ჩვენ საზოგადოების წარმომადგენებს ვხვდებით, ხშირად მოსახლეობა მიუთითებს, რომ ქულების არასწორი მინიჭების შედეგად სოციალური დახმარება მოეხსნათ. მიუთითებენ, რომ სხვა პირს შეიძლება სოციალური დახმარება ისე არ სჭირდებოდეს, როგორც სხვა პირს, ვისაც დახმარება მოეხსნა. მესმის ამ წუხილების შესახებ. ასევე მესმის თქვენი მიდგომის შესახებ. მსურს დავსვა კითხვა, ხომ არ არის მეთოდოლოგია კიდევ უფრო მეტად დასახვეწი? ასევე, როდესაც პაციენტები სამედიცინო დაწესებულებებში ხვდებიან, არსებობს წუხილი, რომ შეიძლება გარკვეული მანიპულაციების შედეგად იმაზე მეტი იხარჯებოდეს, ვიდრე ამის კონკრეტული საჭიროებაა. გვინდა თქვენი პასუხი ამის კონტროლთან დაკავშირებით, რამდენად ეფექტიანად ხდება კერძო დაწესებულებებში დაზღვევის თანხების ათვისება და რამდენად ეფექტიანია ჩვენი კონტროლი თანხების ხარჯვაზე? თუ არის დაგეგმილი დამატებითი ღონისძიებები, რომ პაციენტების მკურნალობისას თანხების ხარჯვა უფრო გაუმჯობესდეს“, - მიმართა კითხვით დავით სერგეენკოს ფრაქციის თავმჯდომარემ მამუკა მდინარაძემ.
v-if="article.gallery" v-html="article.gallery"
