„როიტერი“ - მექსიკა ამერიკის „დამსჯელი ტარიფების“ თავიდან აცილებას ცდილობს

მექსიკის დელეგაცია ვაშინგტონში აშშ-ის „დამსჯელი ტარიფების“ თავიდან ასაცილებლად მოლაპარაკებებს აგრძელებს. აღნიშნულ ინფორმაციას „როიტერი“ ავრცელებს. დღეს ამ ქვეყნის საგარეო საქმეთა მინისტრი მარსელო ებრარდი შეხვდება აშშ ვიცე-პრეზიდენტ მაიკ პენსს. მექსიკელები კვლავ შეეცდებიან აშშ-ის დარწმუნებას იმაში, რომ ყველაფერს აკეთებენ ცენტრალური ამერიკიდან აშშ-ში მიმავალი მიგრანტთა ნაკადის შესამცირებლად. ამერიკის სამხრეთ საზღვრებზე წელს მიგრანტთა მოზღვავება იყო. ამიტომაც ტრამპი აპირებს მზარდი ტარიფების შემოღებას მექსიკურ საქონელზე.

მექსიკის მემარცხენე პრეზიდენტმა ანდრეს მანუელ ლოპეს აბრადორმა არაერთხელ განაცხადა, რომ სურს აშშ დაარწმუნოს ეკონომიკური მიგრაციის მიზეზების აღმოფხვრის საჭიროებაში. ის აშშ-ს სთხოვს ივესტიციებით დახმარებას ცენტრალურ ამერიკაში სამუშაო ადგილების შექმნის მიზნით.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს