სუდანში დემონსტრანტების დარბევის შედეგად დაკარგული 40 ადამიანი ნილოსში გარდაცვლილი იპოვეს
სუდანში, ოპოზიციის აქტივისტების ინფორმაციით, ნილოსიდან 40 ადამიანის ცხედარი ამოიღეს, რომლებიც ორი დღის წინ დემონსტრანტების დარბევის შედეგად, დაკარგულებად მიიჩნეოდნენ.
შესაბამისად, დემონსტრაციის დარბევის შედეგად დაღუპულთა რაოდენობამ 100 კაცს მიაღწია. დაჭრილების თაობაზე ინფორმაცია არ ვრცელდება.
„ბიბისის“ ინფორმაციით, გარდამავალმა სამხედრო საბჭომ, რომელიც სუდანს აპრილიდან მართავს, ინციდენტის გამოძიების პირობა დადო.
აშშ სახელმწიფო დეპარტამენტმა სუდანში მომხდარი ძალადობის გამო შეშფოთება გამოთქვა. აშშ ოფიციალური პირები დაუკავშირდნენ საუდის არაბეთის თავდაცვის მინისტრის მოადგილეს ხალიდ ბინ სალმანს და სუდანში ხელისუფლების სამოქალაქო პირების ხელში გადასვლის მნიშვნელობაზე ესაუბრნენ. აღსანიშნავია, რომ საუდის არაბეთი სუდანელი სამხედროების მთავარი მოკავშირეა.
v-if="article.gallery" v-html="article.gallery"
